Viewing A Blog

Alif Naama by: Bushra

Blog ID: 14973

Blog Text:

Paish Lafz: Alif naama urdu shaayri ki aik sanad hay, or mushkil tareen asnaad may say aik hay, jis k liye jumla maharat or deegar asnaaf par mukammal uboor ki zaroorat hoti hay. Ibtidaa may yeh sanad Farsi may paayi jaati thi, phir Pashto or rafta rafta urdu may jaazib hui. Alif naamey ka matlab zubaan k har harf(Alphabet) say aik misraa kehna, or youn puri nazm tayaar karna maqsood hota hy. Hum Ahmed Shah Abdaali or Baba Khushaal khan khattak jesay naamwar shaayiron k Alif-Naamey sy achi tarha waaqif hain, jo apni misaal aap hain. So isi trha kuch aik Alif-naama may nay bhi tehreer kiya hay..
.
(f1)Alif-Naama | by Bushra
.
Alif - Ay insaan!
Bay- bari muddat k baad khayal aya
Pay- poshaak-e-khaaki may jo tuu utra
Thay- teri hasti may ik nikhaar aya
Tay- tit`harta, khof-zada bachpana tera
Say- Samar tehra hayat-e-nash-o-numa tera
Jeem- Jahan tera larakpan or tuu guzra
Chay- Chiraagahaa`n hee chiraaghan laazman utra
Hay- Hinaa ki khooshbuen bass gaien
Khay- Khuda ki rehmaten mil gaien
Daal- daroon-e-sadaf motiyaan mil gaien
Daal- Dhoond kar khushyan khil gaien
Zaal-Ziyan khanay may khud pay jabar kiya
Ray- Roti na mili tho kufr kiya
Xay- Xoleeda, pareshaan, muztarib or barham
Seen- Saaray jahaan may kya ik sirf thay tum?
Sheen- Shor sa goonj utha, teray iraaday badlay
Swat- Sehn may ghar k teray sabar k saaye utray
Zwat- Zu-`af sy jaan churhana bhi ab mahaal hay
Tway- Taari ab zehn pay tarbiyat-e-atfaal hay
Zway- Zulm tho yeh hay k olaad bhi niraali hay
Ain- Ayn badmaash, bewaqoof, Riyaa waali hay
Ghayn- Ghair nay tuj pay tho hansnay ki qasam khai hy
Fay- Faqat ab teray marnay ki gharhi ayi hay
Qaaf- Qaabiz-e-arwaah ki falak say nidaa ayi hay
Kaaf- Karay tayaari gharhi ki wo jis ki aayi hay
Gaaf- Gor tak saath diya meray hamnawaaon nay
Laam- Laaj rakhi meri, aamaal or duaaon nay
Meem- Meri iltijaa yehi hay, mujhay or zindagi day
Noon- Na rahunga tuj say ghaafil, mujhay or bandagi day
Waw- Wohi Munkir, wohi Nakeer hay or hain hum
Hay- Wohi hay sawal, wohi hay Kitaab, or hain hum
Yey- Yaara, Imdaad kuch nahi or hain hum
____________________
by Bushra
Blog ko rate karna na bhoolen, Shukriya! :)

07 10 17 - 01:35:38

--------------------

Rate: 5 - Points: 10

Alif Naama : Recent Comments

- Ali_

Boht hee zabardast alif nama by Bushra & Kashif keep it up (smile)

23 01 19-09:16:31

- Kashif_

Alif se Allah ko Pehchan,,Bay se Badon ka Kehna maan,,Tay se Tauba kar insan,,Say se Sabit Rakh iman(momkids)

07 10 17-16:28:41

 

Brief List of Mobile Blogs

You May want to check a more brief list of Mobile Blogs

1 | 2 | 3 | 4 | 5 | 6 | 7 | 8 |

 

RockChat.Net > Mobile Blogs > Alif Naama

*Register
*Mobile Forums

Main Main Page