Viewing A Blog

Koft Hoti Hay Ab Mohabbat Say....... | Bushra by: Bushra

Blog ID: 14975

Blog Text:

Koft hoti hay ab Mohabbat say.......
.
khof khaati hun may andheron say
Wesay tho har taraf ujaalay hain
.
Ab meri zindagi tumhari hay
Sab iraaday teray hawaalay hain
.
Meri khamosh muskurahat may
Pinhaa`n kuch raaz or na`lay hain
.
Har hawalay say tera zikar kiya
Meri har baat may hawaalay hain
.
Teray marnay k baad ay mohsin
Meray ehsaan bhi niraalay hain
.
Youn meri laash pay chalnay say gurezaa`n
Log bhi narm dil waalay hain
.
Jin ka choolhaa na jala dair sar-e-shaam tak
Un k bhi ghar may kuch ujaalay hain
.
Uski kya raat katt chuki hogi
Aankhon k gird jiskay haalay hain
.
Phir say jeenay ki baat kartay hain
Log bhi saada loh walay hain
.
Koft hoti hay ab mohabbat say
Paray ab sirf jaa`n k laalay hain
.
Jin ko daryaa say khof ata hay
Yeh makee`n sab makaan walay hain
.
Ab kisi ki khabar nahi hoti
Dil k sab torray hum nay taalay hain
.
Unki manzil bhi an-qareeb mout hay
Ishq k jo naye jiyaalay hain
.
Aankh say ashk ashk barsay hain
Gham kuch is trha say paalay hain
.
Jaa tujhay meri badduaa na lagay
Dil say kuch log youn nikaalay hain
.
Baat baat par jo toktay hain mujhay
Shayad yeh log fehem walay hain
.
Dil-e-barbaad k tahaffuz may
Saaray ilzaam tujh pay daalay hain
.
Jism say rooh tak utartay hain
Hum nay kuch aisay zakhm taalay hain
_________________
by Bushra
Blog rate karna mat bhoolen, Shukriya :)

09 10 17 - 11:30:33

--------------------

Rate: 4.75 - Points: 19

Koft Hoti Hay Ab Mohabbat Say....... | Bushra : Recent Comments

- creed

Happiness and sadness are two sides of a coin called life. But yes, for those who have been hurt in their life especially by their loved ones, everything looks gloom and doom. Btw, nice poem.

26 10 17-18:48:42

- Mudassar_M3

Wow... Nice lines.. judiciously narrates Caravan- E- Muhabbat

10 10 17-00:02:43

 

Brief List of Mobile Blogs

You May want to check a more brief list of Mobile Blogs

1 | 2 | 3 | 4 | 5 | 6 | 7 | 8 |

 

RockChat.Net > Mobile Blogs > Koft Hoti Hay Ab Mohabbat Say....... | Bushra

*Register
*Mobile Forums

Main Main Page